曹仁超文集-第357章
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
四美元前，相信联储局加息立场唔会停止。美汇指数5月份回升。镍价由5月26日至今跌幅超过20％，铜价亦出现回落。商品价格系咪进入短期调整，亦视油价去向而定。
投资成功必须追随趋势（Being on the right side of market），而唔系收息。股票唔系买嚟收息嘅，而系买嚟赚价，此乃股票同债券最大分别。投资就系找寻趋势、追随趋势，有智慧不如趁势。我老曹手上财富较一般人多DD，理由系入行问题。我老曹1967年离开学校时，第一份工系到联业纺织公司做练习生（当年纺织业系香港最大工业），做咗六个月因捱唔住工厂内嘅酷热（当年工厂仍未有冷气系统）、噪音（一百二十架织布机同时开动）及轮班制（二十四小时分三班制，早班系女性，午班同晚班系男性），结果1968年转行做股票（因同学中有一位亲戚，买咗个股票经纪牌，要搵个识英文嘅人帮佢，如此这般，我老曹便入咗证券呢一行。假设我老曹今天仍从事纺织业，过去四十年任你点努力，成绩仍然有限（因为男怕入错行）。〃三分努力、七分天意〃，如果你连三分努力都唔肯付出，便唔好怪个天；反之，如果你付出七分努力仍有成就，此乃天意，因为谋事在人，成事在天。如果连〃东南西北〃都分唔清，却希望喺投资市场获利，天下问何来如此便宜嘅事？！例如你搞得清资金流向系乜咩？
资金流失未必影响同业拆息
资金流向分几种。一、由一个国家流向另一国家或地区。1997年亚洲金融风暴，资金由亚洲区流失，造成该区货币贬值及利率上升（香港因实施联汇制度，所以只见利率上升），1997年前许多人都唔识资金流向，今天已成为普通常识。二、VIX （Volatility Index）扩阔及收窄，亦影响资金流向。自从衍生市场发达后，兼且资金成本低廉，大银行或证券商大量发行窝轮（warrant），通常认购价较普通股股价高10…15％，并同时向客户发ELN。喺低利率时代，佢地只须付客户五、六厘息，客户便肯认购ELN。晌一段日子内，如股价不低于认购价，客户便可赚息；如低于认购价（发行时定价，一般较市价低5％）便要收服票。银行或大证券商利润便系嚟自发轮产生嘅溢价（例如10…15％）扣除ELN认购价（低于市价5％）。换言之，无论窝轮系咪行使，银行都可赚取其中差价（约5…10％）。如市场波幅细、利率低，窝轮及ELN皆容易发行，银行便需要从市场吸走部分股份作发轮及发ELN之用，形成资金流入股市；反之，一旦VIX上升及利率增加，令发轮及发ELN成本上升，银行及大证券商便唔易向市场推出窝轮及向客户推介ELN。随着窝轮溢价下降，银行及大证券商便接入窝轮，沽出手上股份，咁叫做unwind行动。此举对股市而言系另类资金流失，但因为资金有离开一个地方（或国家），因此唔影响银行同业拆放，无法晌利率市场反映。5月10日开始嘅资金流失，就系因为VIX突然上升引发一连串unwind行动，唔明白衍生市场操作者，一味睇住银行同业拆息有升便以为资金有流失，结果损失惨重！本港有VIX，因为期权市场唔够活跃，因此只有参考美国VIX。如投资者对前景有信心，认购及认沽期权溢价低，令VIX低企，一旦对前景有信心便令认购及认沽期权溢价上升，令VIX上升，因此观察VIX可知〃内部〃资金流向，即资金由股市流出或流入。值得小心嘅系，本周一美股VIX又再上升，即unwind行动继续。请唔好再用1997年资金流向嘅工具（睇利率升降）去分析今年LV （Long volatility）改变。今天系打世界杯嘅时代，唔再系精工对南华！喺怪责国际大鳄来港搵食之时，香港投资界自己亦应该检讨，点解分析技巧未达国际水平。
散户睇好大户睇淡
技术上睇，沽售压力仍存在，但已较5月10日前减少。美股标普五百（迷你装）期指上周二起增加三十三万二千张睇好合约，代表上周二至上周五入市博反弹者都系小投资者而非大户（大户唔会玩迷你装期指），今次散户到底可撑几耐？木宰羊。反之，大炒家（Merchant Trader）上周增加六万张新空仓期指合约（系近十年内最多嘅一周），代表大户仍睇淡后市。上周散户睇好、大户继续睇淡，虽然散户唔一定输、大户唔一定赢，不过你帮边便？！
P/E参考价值一落千丈
喺波动市中不应趁低吸纳，只应等待大市稳定下来才再作打算。依家唔系表现勇气嘅日子，请向英女皇学习（do nothing）（无所事事），或向毕非德学习〃等！等！等！〃。别人会告诉你加息有影响，佢只系告诉你真相嘅一半。例如2004年6月至今年4月加息的确冇影响，5月10日加息后利率已高出核心利率（三个月三厘二、六个月二厘八）二厘，踏入〃有〃影响期。何况6月29日利率见五厘二五机会已接近100％，到时绝对有影响；8月8日加息机会亦已升至50％。高息令股份P/E进入回落期，加上今天恒指成分股纯利中包括太多物业重估利润，令P/E参考价值一落千丈。
今天日本银行宣布唔会延迟取消零利率政策（过去十二个月，日本银行已从市场减少日本商业银行15％流动资金）。照依家趋势睇，呢次抽资行动晌秋季之前唔会停止。唔好估，只要等！上述公布令日股进一步大跌。
中国国务院发展研究中心金融所所长夏斌（亦系最早要求政府提高法定存款准备金嘅学者之一）估计，呢次商业银行人民币存款准备金上升0。5％，至8％，一次性可冻结流动资金一千五百亿元人民币；加上人行近期两次向商业银行发行二千亿元票据，即市场流动资金短期内减少三千五百亿美元，对第三季度中国经济肯定产生不利影响，但唔会产生巨大影响，因商业银行流动资金仍然充足，只系会减慢信贷上升速度。
中国贸易顺差反映储蓄率太高
夏斌话如甲、物价仍逐月上涨；乙、投资增长仍快嘅话，下一步调控时机系今年7、8月份之后，中央会否进一步采用其他措施，便睇7、8月份宏观数据。呢次提升法定准备金率，肯定会推动市场利率上升。
摩根大通认为，中国人行继7月5日将存款准备金上调0。5％后，如7月份经济报告持续强劲，将有更多货币紧缩政策出台。摩根大通中国研究部主管龚方雄话，中国人民银行最少仍有1％调整幅度去令经济降温。
分析家指出，中国经济并非过热，而系内外失衡。5月份城镇固定资产投资增速30。3％，系投资结构唔平衡。以国有银行为核心，金融体系倾向国有控股企业优先融资，形成资本市场扭曲配置。呢点可透过将国有银行市场化去纠正（中国早已咁做，只系速度唔够快）。服务业去年只升10％；消费需求只占中国GDP 52％。消费需求不振，因整个社会保障不足，令居民收入唔少被储蓄起来。呢类预防性储蓄造成中国高储蓄率及消费不振，中国必须建立良好社会保障才能纠正。5月份中国贸易顺差一百三十亿美元，就系反映中国储蓄率太高、消费不足外，亦反映人民币值偏低，造成流动资金过剩，单靠加息未能阻止资金到处流窜，造成楼价上升等不良现象。纠正内外不平衡有赖人民币有秩序地升值，令中国经济由过分外向转为内外平衡，多D服务本土经济。
首创置业（2868）停牌。
汉国置业（160）停牌，宣布发行可换股债券。
新海能源（（342）停牌，签订合作协议。
新威国际（058） 6月23日；修身堂（8200）、新银集团（988） 26日；新怡环球（1094） 28日；开明投资（768）7月3日；进智公共交通（077） 12日；东润拓展（467） 17日；北方兴业（736） 25日公布业绩。
曹仁超
PDF原文：
原序号：558序号：
8
标题：
部分股份出现抗跌力
来源：
信报
发布日期：
2006…06…22
全文：
6月21日，周三。恒生指数升50。38，收15639。36；成交二百一十三亿五百多万元。6月期指低水，收15624点，升24点。电盈（008）可能出售电讯业务同now电视，2000年争崩头抢番嚟嘅项目，今天却要出售；买家除咗嚟自澳洲麦格理银行外，亦有嚟自美国嘅新桥。占电盈20％嘅第二大股东中国网通（906）已表示反对。过去李察李亦曾将Sky TV股权卖畀澳洲报业集团梅铎。梅铎千方百计欲打入中国卫星电视市场，至今亦只有长叹一声，最近更将凤凰卫视（8002）部分股权沽之哉。外资如欲利用电盈手上嘅电讯业务及naw进军内地，可能又系另一个“中国梦”。其实，不但内地电视市场难以攻入，内地电讯市场虽然今年年底开放，但欲攻入去亦唔易。
李察李在商言商冇错
我老曹记得，中电（002）亦曾卖部分股权畀中信泰富（267）作为攻入中国电力市场之引领人，最后决定向中信泰富购回中电股份注销算数。国泰航空（293）亦曾发行新股畀中信泰富，希望协助打入中国航空市场，结果一样寸步难行，最近透过收购港龙，亦系希望进一步打开内地航空市场。如果只睇香港固网、无线电话市场及有线电视市场已进入过度激烈竞争时代，纯商业角度睇，如有人出价吸引，卖出又何妨？今天喺香港最赚钱生意项目仍然系房地产及银行，唔系做电讯生意（市场开放便进入恶性竞争），亦唔系做有线电视生意（相信市场已近饱和），如李察李日后集中火力做房地产，在商言商有错！只系2000年以高价争番嚟嘅电讯生意，今天却要贱价出售。香港法律并有限制外资拥有香港电讯业务，中国政府亦唔会介入此事。
中联通（762）升2。2％，见六元八角五仙，韩国SK电信将手上三年期可换股债券转为联通普通股后，占联通6。7％股权。
中国石油交易所开始模拟运行，有五十五家交易商将参加交易；中国开始买卖石油期货矣。
恒隆地产（101）宣布，有意投资二百五十亿元入内地十个项目，分布六至八个城市，但唔包括上海，楼面一千五百万方尺。日后集团嚟自内地租金收入将由今年占总租金收入30％，进一步升至占一半或以上。香港地产资金继续流入国内房地产。
金价正在寻底（或者喺五百四十二美元已经搵到，但未肯定），将来金价或可见一千美元，但由今天到将来之间却有唔知几多个明天，明天金价怎么样则木宰羊。
股市有如靓女，不但天天新款，加上略带高傲性格，令男士们纷纷为她着迷，但又猜不透佢心里谂乜嘢。佢嘅一颦一笑可令男性乐透半天或愁眉不展。至于股市评论员，都系事后讲嚟头头是道，但事前却唔会提出警告，佢地永远喺事后才发现真理。股市有如喺水星，评论员好似生活喺火星，由于大家轨道唔同。所以永远唔了解对方。股市升降系将投资者嘅情绪放大：佢地往往兴高采烈地入市，然后又哀伤地离开，本周股市相信便在日好日淡中度过。今天做长线投资仍太奢侈，做短线投机又太混账，真系不知如何是好。每次金融危机过后，都破坏咗中产阶产嘅财富，却令富者更富。1997年7月如此、2000年3月系咁，今年5月亦一样。
今天失业率的确好低，但薪金亦同样地低。至于高薪工作岗位，似乎喺香港消失咗。
TIPS债券（Treasury Inflation Protected Securities Bond）已回落。代表未来通胀压力下降中。十年期TIPS债券孳息率一度由二厘○五升至二厘五一今天又跌至一厘九九。可惜联储局唔会睇呢D数据，只睇CPI（及核心CPI）呢类数字，真系担心贝南奇将利率推得太高而伤及中产阶级。此乃制度上p@｝缺陷，好无奈。希望日后联储局官员多D前瞻性、少D睇落后数据，有助改善日后加息/减息决定。
恒指15200点重建基础
如睇TIPS债券，恒指喺15200点水平开始重建基础。
研究股市几时反弹，系好浪费时间嘅行为。走势分析最大缺点系“如果咁、就咁”。有D形态分析好有用，因为系反映群众情绪，透过猜测群众反应去预测股价变化。随着走势分析普及，群众情绪再唔似从前咁，令走势陷阱一再出现。其中比较可靠只余下上升轨、头肩顶呢类最基本嘅趋势线。最高出错率喺RSI方面，其可信性已渐渐下降（因太多人使用）。例如今年4月股市先急升、5月开始便急挫，而且成交急增，令唔少人措手不及。唔少基金经理只有抛售期指套住既得利润。如此一来便加速股市下跌速度。抛售高潮喺6月13日完成，基金经理便将抛空期指平仓，引发上周尾股市反弹。进入今周，相信为6月结做橱窗粉饰，有D股份继续沽售，有D股份增加持有量，形成个别发展，后市喺15200至16000点上落【图】。换言之，本周开始部分股份已出现抗跌力，亦有部分股份继续回落。一般人喺上述环境下都系少做少错、唔做唔错，到7月3日再算，到时或有似样反弹亦唔奇。
日本十年期债券孳息率升上一厘八四八，距离七年高点即今年5月15日嘅二厘○一仲差DD，主因系日本央行行长福井俊彦暗示零利率政策不久将来会取消。估计年底前日圆利率见半厘，即下半年日本有两次加息机会。日本政府系美元债券最大持有者，共持有六千三百九十二亿美元（中国只持有三千二百三十亿美元）。日本政府喺2004年8月持有六千九百九十亿美元债券，其后曾一度减持，一直冇再增持美元债券。2004年8月至今美元债券利率升幅有限，有赖中国政府长期吸纳。今年下半年日本抽紧银根。代表日本政府喺可见将来都唔会增持美元债券；至于中国，恐怕吸纳美元债券嘅胃口亦在下降中。换言之，美国长息恐怕进入上升周期！
浮动利率贷款（Adjustable…rate…mortgages，ARMS）唔同固定利率贷款，利率随时可调整。2003年6月美国三十年期息率六厘五四，ARMS三厘七六，因此买楼者都选用ARMS而唔用固定利率贷款。今年5月三十年期固定利率贷款只系六厘六，较2003年六厘五四微升；但ARMs已见五厘六三。估计未来六个月将有一万亿美元ARMs贷款面对利率高于固定利率贷款，估计唔少美国房屋贷款者将由ARMs转为固定利率。对未来美国楼市影响会点？
今日宠儿明日弃婴
贝南奇返工已超过四个月，蜜月期早喺今年5月10日结束。通胀率上升、经济增长率放缓，有大量格蛇留下嘅苏州屎要清理。贝南奇系通胀目标派，为将CPI升幅局限1至2％，利率要有几高？佢明白今天一再加息，经济亦只会放缓增长而唔会衰退，同时可获得通胀战士嘅美名（上述由格蛇用十八年半时间建立），有人会因经济增长率放缓而怪贝南奇；反之，如通胀率升幅恶化，却会算喺佢头上。换言之，贝南奇过度加息嘅诱因好大。6月5日贝南奇演说时话：佢会不惜一切去压制通胀率。各位宜小心。今年首五个月美国CPI升幅已达5。2％，核心通胀率升幅3。2％。假设利率升至五厘半或以上，即利率高于核心通胀率二厘或以上，通胀率可渐受控制，但经济增长便放缓。假设利率只见五厘二五，又担心未够力阻止通胀率上升。换言之，8月8日系咪加息？好考功夫。
如果你一如我老曹喺股票市场打滚三十八年，便知道今天嘅宠儿随时成为明天嘅弃婴呢个道理。�
