曹仁超文集-第41章
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
中央政府喺近两三个月内连续多次调整出口关税，由铝及钢铁产品（如原铝、钢坯）以至高附加值产品（如铝材、钢材）都大幅下调。但内地电解铝、钢材价格仍然坚挺，甚至不跌反涨，唯一解释系内地对铝材及钢材需求仍然好大。
周日系香港回归十周年。十年时间。唔长唔短、唔远亦唔近，大部分回归特刊（包括本报）都系由香港人角度出发。到底内地人点睇香港？回归并唔系香港单方面嘅事。而系双方面嘅事，中国收番呢个被割离一百六十几年嘅儿子（香港）后，内地人对香港感觉又系点？
香港现代城市所有的梦想
大部分内地人来到香港，都会喺第一眼就喜欢香港，除精明、快捷、有条不紊外，有时很甜、有时很酷；大部分香港人都较内地人温文勤俭；加上交通四通八达，但样样都昂贵，港人赚钱好搏命。香港喺内地人眼中，就系对一座现代化城市所有嘅梦想！市容漂亮、交通便利、服务优质、物质极丰富；大部分港人早上七时便起床，晚上仍然通宵达旦消费及娱乐，香港人似乎唔使瞓（或瞓好少）。喺内地人眼中嘅香港系五光十色，同中国距离并唔远，因为香港唔系东京、新加坡，更加唔系别的地方，它实实在在系中国其中一个大城市，已回归十年了。但又唔系那么近，身为中国人，去香港仍然唔容易，到香港做事或生活更难，因为佢系一个特区，一个较深圳更加〃特〃、较上海直辖市更〃直辖〃嘅大城市。香港虽然已回归十年，但中国味道唔重，仍然保持住一股〃香港味道〃。既唔系外国亦唔系中国，香港就系香港（上述乃内地人眼中嘅香港）。
过去十年，对港人而言系迷失嘅十年。过去香港由英国统治，但大部分决定由港英政府揸主意而唔系英国。1997年7月主权回归后港人治港，香港人以为自己可以当家作主，其实大部分决定系来自北京而非港人。十年时间响不知不觉中过去，未来十年香港又点？睇嚟问北京较问香港人更加清楚。
技术上睇，道指喺13250至13700点之间形成长方形走势，响未升穿上阻力或未跌破下支持之前，美股将go nowhere。如13250点失守，代表道指形成双头，反之如13700点升穿，代表一个W型收集区完成。走势许多时就系咁模棱两可。
日圆利差交易因日圆继续转强而令人担心。美国第一季GDP只升0。7％，第二季GDP增长率估计高出3％，令联储局响未来三个月减息机会极低，虽然核心通胀率可能进一步回落。从利率期货表现睇，市场并唔相信联储局响今年内会减息（今年12月利率期货系五厘一九、2008年4月系五厘一四），即明年4月前减息机会只有24％，明年下半年减息机会才升至44％。但三个月国库券息率只有四厘六二。低于联邦基金利率晒五厘二五达12％，代表联储局并未收紧银根。通常收紧银根六个月至九个月后，股市才会回落，上述环境代表联储局既唔希望衰退喺明年出现，亦唔想通胀率恶化。未来三个月经济应该仍系唔太热又唔太冷，GDP以低于3％速度上升，通胀率未来逐渐回落。十年期债券息率亦由最近高峰五厘三回落到五厘○七；美国通胀率上升主要来自食品（升4％）及能源（升4。7％），服务业升幅只有2。3％到2。4％，核心通胀率只有2。2％。食物及能源价格升幅系唔受利率高低所影响。
虚拟世界影响实物世界
有关金价嘅睇法，最大分歧在于黄金到底系金钱抑或系商品？如果系金钱，喺全球货币供应一再上升压力下。后市可看好；反之，如果系商品，金价一旦高于七百美元，需求便回落，甚至出现disinvestment，例如去年上半年唔少市民将藏金出售。本港金饰店去年营业额来自回收金饰大于出售金饰，甚至来自中国嘅自由行旅客亦抗拒买金。黄金唔似原油或铜有实质需求。由地底掘出来嘅十五吨黄金大部分被收藏起来而非被消耗，如作商品睇，现价吸引力有限。作为金钱，美元增加速度系黄金增加速度嘅二十四倍，过去一年美元增加一万三千亿美元，但黄金只增加二千五百吨（或八千万盎斯），只值五百四十亿美元。投资者如对美元信心动摇，系好容易推高金价嘅。去年6月金价五百四十六点五美元，5月系七百三十二美元，上阻力六百九十八美元，下支持五百四十六美元，最近表现令人担心。
根据国际结算银行计算，全球衍生工具市值四百一十五万二千亿美元，相等于全球GDP 789％。根据麦肯锡全球研究所统计：1980年全球金融资产价值相等于当年GDP 109％，到2005年金融资产价值系GDP 316％！今天世界存在一个实物世界，亦存在一个虚拟世界－金融市场。呢个虚拟世界自1971年美元唔再兑换黄金起迅速增长，1980年首次超过实物世界总值，并继续膨胀。喺虚拟世界中，金钱嘅得失以惊人速度发生。然后再影响实物世界；喺实物世界生产一千万美元嘅嘢要大量人力、物力；反之，喺虚拟世界，一千万美元嘅得失响转眼间。喺实物世界，一个工人凭一生努力亦无法积聚到一百万美元财富；但响虚拟世界，一百万美元得失可能只系转眼间。金融市场进一步衍生大量衍生产品，令到今天财富得失主要来自买卖资产，而非来自生产。
买入后持有喺1997年7月前或者系良好投资策略，因为香港整体经济仲系向上。但1997年7月后全球经济盛衰循环周期愈来愈剧烈，如各位唔利用行业盛衰周期去制订投资策略，理由只有一个－懒惰！因唔肯做功课而令自己身处亏损地位。食有时、睡有时，今时今日不但要buy smart，并要喺适当时刻sell（如有时间理财，不如买基金）！
请唔好问我老曹敚浚依喜苤换犷坡ナ逃暗氖克净蹲适谐∠涤刑繂Ｍ蹲氏凳盅纤鄦拢绻氵砜献龉危蝗邕硗蹲剩蚰谀蝗耸窟砘崴姹泐磕悖ㄒ蛭捣阜ǎ淮蟛糠痔刻峁┱咭欢ㄟ硐的谀蝗耸浚涮坑值憧梢孕牛苛硖烤６加猩桨＃慰龉善碧浚客蹲蚀永聪党撩啤⒈Ｊ貑ぷ鳎匦胙鲜丶吐桑ɡ缰故催碇棺永催韘exy！请记住，唔好将自己资本嘅20％投资喺单一项目上，亦唔好投资超过十个项目（除非你系基金经理）。唔好一次过投入，应分三个阶段；亦唔好一次过沽售，应分三次。上述已系老生常谈，但犯错嘅人似乎仍未减少。你可以唔投资而生活愉快，但不可投资失败，投资失败代价较唔投资更坏。
白高敦已成为英国新相首，未经普选亦有政变，只因贝理雅辞职。情况有如马卓安继承铁娘子一样，所以一般人对白高敦嘶政治理念唔清楚，性格系点亦唔理解。由于白高敦失左眼视力，因此佢唔可以驾驶汽车，但唔代表佢冇方向。佢嘅作风肯定同贝理雅唔同，最后能否被英国人接受？还看明年普选决定，令英国经济面对不明朗因素。
曹仁超
PDF原文：
原序号：60序号：
10
标题：
大部分人仍沉醉于炒股
来源：
信报
发布日期：
2007…06…30
全文：
6月29日，周五。恒生指数跌165。49，收21772。73；成交额六百八十八亿八千多万元。7月期指跌133点，收21875点高水。国寿（2628）跌2。9％，见二十八元一角、稻香（573）新挂牌，只升2。5％，见三元二角六仙，公司上市价三元一角八仙，集资三亿七千万元。越秀交通（1052）跌4。4％，见五元四角五仙，公司计划发行新股，集资二十一亿九千万元收购公路，以每股三元九角三仙发行五亿五千七百七十万股新股。江西铜业（358）跌2。4％，见十三元一角四仙，高盛降低该公司评级。
沪深三百指数跌94。44或2。5％，收764点；6月份沪深指数下跌4。2％，系去年7月以来首次月度下跌。
人行发表研究报告，预测今年中国GDP上升10。8％（即下半年将回落），通胀率3。2％，已超过政府制定目标。
日本又再面对通缩威胁
日本失业率跌至九年低位，只有3。8％，但5月份CPI仍回落0。1％，睇嚟日本又要再次面对通缩威胁。日本银行将于7月2日发表短观，8月份决定系咪再加息。过去许多人只怕通胀，唔信贱物斗穷人，日本人依家知道通缩较通胀更可怕（香港人经过1997至2003年通缩期，亦明白减价较加价更可怕）。
美国短期利率保持五厘二五及强调通胀仲系经济最大威胁。贝南奇在位已十六个月；今年首季美国CPI升幅2。4％（较去年第四季升幅2。2％）为大，美国5月份CPI响香港时间周六公布。贝南奇将目标通胀率订喺2％以下，形成佢无法喺可见将来减息。踏入今年，美国经济再唔系全球经济火车头而变成拖卡（即别国经济拖动美国经济保持增长）。最有力嘅火车头系中国，不但拖动亚太区经济上升，同时拖动日本GDP增长，但中国经济已过热，一旦GDP增长率放缓（例如下半年降至8％）影响会系点？国际结算银行（BIS）呢个全球最令人尊敬嘅组织指出，多年信贷宽松政策已形成一个极之危险嘅信贷泡沫，担心全球经济出现另一次三十年代式衰退。总部设喺瑞士嘅BIS眼见美国2001至05年透过贸赤及财赤，产生负债高达四万亿美元，大量资金响全球流窜而引发股市及楼市泡沫，最后会否引发信贷危机？过去贝南奇一再袖手旁观，世界经济会否再次进入滞胀期？至今为止，相信冇人相信BIS嘅警告，大部分人仍沉醉于炒卖股票。今天连风水大师亦向大众推介股份投资，大量广告吸引投资者去学点样炒股（例如睇图表，好多人已分唔清何谓炒何谓投资），内地人更为股疯为股狂。
美国第一季GDP只升0。7％，估计第二季升幅喺2。3％或3％之间，美国楼市进一步转弱，第一季投资住房建筑减少15。8％（去年第四季减少19。8％）。
金价由638。9美元反弹至648。95美元，动向仍未明朗，因为我地同时面对通胀可能上升及经济可能出现衰退；自去年8月联储局停止加息，美国CPI喺去年10月起出现一浪高于一浪走势。上一次滞胀期发生响七十年代，其中有两个石油危机即1973同79年；前者美国利用大幅加息引发1974年衰退，1979年美国加息速度太慢而令通胀率大升，最终伏尔克亦不得不大手抽紧银根而引发1982年经济衰退。去年8月起，贝南奇停止加息，虽然令去年下半年至今年上半年股市上升，但系咪因此而令未来经济陷入滞胀？今年下半年起将睇得较清晰。
劣质债券驱赶优质债券
2001年第四季开始嘅美国GDP扩张期，到今年第一季已收窄；格林斯平预测今年年底有三分一机会出现衰退（即GDP出现连续两季负增长），贝南奇喺度努力营造唔太热又唔太冷嘅经济环境。至今为止，美国楼市及次级债券市场进一步放缓，会否令美国长期利率上升而引发格老预测嘅衰退出现？受通胀威胁，贝南奇不能一如2001年1月嘅格老咁，将利率由六厘二五减至2003年6月嘅一厘，以对抗衰退，令2001年第三季只出现一季GDP负增长，并有出现衰退。5月份能源价格同食品价格上升，令联储局不敢减息；但美国楼市放缓情况又令联储局唔敢抽紧短期利率以对付通胀，目标通胀率（二厘或以下）无法出现。上述情况对长期债券持有者最不利，次级债券影响已扩展到CDO （Collateralized debt obligations），CDO由多种唔同债券组合而成，以寻求较高回报率（即有D系优质债券、有D系劣质债券）。劣质债券出事、CDO持有者套现之时，CDO便被迫抛售优质债券去应付套现潮，结果出现劣质债券驱赶优质债券嘅情况，令优质债券价格回落，长期利率上升，进一步压抑美国楼市，令消费信心下降。最终会否引发衰退？木宰羊。债券大王Paul McCulley做主席嘅PIMCO系全球最大债券基金，佢话利率每上升零点二五厘，可令佢嘅基金损失三十亿到五十亿美元市值，因为佢嘅基金管理六千七百亿美元债券基金及私募基金。佢已开始为旗下基金减少美元债券投资，以减少风险。佢对债券市场影响力较中国政府仲要大！佢并非泛泛之辈，佢嘅说话不可掉以轻心；佢近日预测长期债券喺未来十二至十八个月内利率见六厘。
去年8月起，短期利率唔升，对去年下半年及今年上半年股市有利；去年下半年美股进入唔太热又唔太冷嘅经济环境，有赖去年8月起联储局停止加息。短期利率唔升，长期通胀率上升无法产生压抑作用，例如最近油价又重返七十美元一桶。美元汇价未能止跌回升，都系去年8月起短期利率应加不加嘅代价；最终到底系通胀率止升回落（贝南奇赢咗）？抑或进一步恶化而令长期债券利率见六厘（格林斯平赢咗），令今年年底开始嘅美国经济陷入衰退期？Paul McCulley指出，另一问题系美国政府主要税收来源系来自美国最富有1％人口；反之，美国50％中低层收入人口只占全部入息税3％。即全美国有一半人口好少（甚至唔使）付税，全美国1％最富有人口则负担政府总税收50％或以上，一旦经济出现衰退，由于税基太窄，可同时引发财赤危机而伤及美元价值。假设美国经济重陷滞胀期，情况较七十年代更恶劣。
精明投资者应集中投资
Zeke Ashton近年始成为分析员，佢家吓名气唔大，但佢嘅发现却值得参考。据佢研究所得，全球平均来说，一个基金共持有一百二十八只股份，其中表现最出色占25％嘅基金，平均只持有六十三只股份，表现最差占25％嘅基金，平均持有超过一百五十只股份。因此精明投资者应把投资集中喺较少股份身上，只有糊涂投资者才投资喺太多股份身上。拣股唔炒市，不要经常买卖，把注意力集中喺自己最睇好嘅，就系行业成功投资者嘅窍门。你已懂得呢个窍门没有？走势易学难精，70％走势派系输家；基础分析难学易精，70％基础分析者都系赢家。近年香港股票市场愈来愈成熟，如果你仍然只懂走势唔识基础分析，输钱又可以怪得边个？！
有人戏言，1980年起中国加入美国，成为第五十一州，从此中国开始向美国大量供应廉价产品。人民币不断贬值以保持产品出口竞争力，1994年1月索性将人民币同美元挂钩。经过多年努力，中国已赚够美元；加上美国人指摘中国利用货币优势协助产品出口，2005年下半年人民币升值2％，去年升幅扩大，今年更进一步升值。中国开始减少大量供应廉价消费品畀美国，未来美国CPI升幅点睇？
值得庆幸嘅系，恒生指数现价平均P/E只有十八倍，即使下跌，未来下跌空间亦好有限。根据长期观察所得，恒指P/E在十二到十八倍之间时抗跌能力十分强；反之，国企指数P/E已见二十一倍，进入抗跌能力较弱水平。如有乜风吹草动，国企股出现较大幅度调整唔奇。现水平国企股价有赖新一轮QDII落实去支持，即现水平国企或内地业务为主嘅股份，其股价由供求决定而非公司业绩，上述系较危险嘅情况。新一轮QDII令内地人可以透过基金投资港股，内地投资者一下子多咗好多选择。内地流动资金过剩问题获良好宣泄渠道；银行、保险公司、证券经纪及基金设立新基金吸引内地资本投资港股需时，近日港股上升基于心理因素大于受惠新政策，内地资金大批杀到相信系今年年底嘅事。专家分析�
